Igandean
Olaizola II-Irujo finalerdia, zuzenean, ETB-1en eta eitb.com-en
A.A.
EITB
Iñaxio Perurenak 300 kiloko harria altxatzeko egingo duen saiakera zuzenean izango da ikusgai ETBKn.
Your browser doesn’t support HTML5 video
Zuzeneko hiru kirol emanaldi osatuko ditu Euskal Telebistak igandean. 12:15ean ekingo diote, Endesa Ligako Caja Laboral-Unicaja saskibaloi partidarekin. Asier Aranguren, Josean Aldalur eta Juan de la Vega izango dira berriemaile ETB-1en eta eitb.com-en.
12:25ean, ETBKn, Iñaxio Perurena harrijasotzaileak bere marka hobetzeko egingo duen saiakeraren zuzeneko kontakizuna egingo du Koldo Aldalurrek eta Joxe Etxebestek. Emankizun hau berriro ikusteko aukera izango da arratsaldeko lauretan ETB-1en.
17:00etan pilota zaleen tartea zabalduko dute, 'ETB Kantxa'. Bilbon jokatuko den lau t'erdiko bigarren finalerdia, Olaizola II-Irujo, zuzenean jarraitzeko aukera izango dute ETB-1en eta eitb.com-en. Aurrez, Xala-Merino I / Urrutikoetxea-Albisu binakako neurketa izango da ikusgai. Esatari lanetan, ohi denez, Xabier Euzkitze, Joxan Tolosa eta Elena Azpeitia arituko dira.
Bestalde, Soriako Nazioarteko Krosaren erreportajea eskainiko du ETBKk, 14:25ean, Juanan Legorbururen komentarioekin, eta ETB-1en futbol jardunaldiaren errepasoa egingo dute 20:40ean hasiko den 'Gol Festa' saioan, Mikel Olazabalek aurkeztuta. Athleticek Deportivoren aurka San Mamesen jokatuko duen neurketari arreta berezia eskainiko diote.