22:00etan
Oinatz Bengoetxea pilotariarekin, 'Bisitaria'n
A.H.
EITB
Xabier Euzkitze lau t'erdiko finalistaren bizitzan murgilduko da eta final egunetan Bengoetxeak dituen ohiturak ezagutuko ditu.
Your browser doesn’t support HTML5 video
Gaur, asteazkena, Oinatz Bengoetxea Lau t'erdiko txapelketako finalistari egingo dio bisita Xabier Euzkitzek, 'Bisitaria' saioan. Familiarekin egoteaz gain, Leitzako leku kuttunetara joango dira elkarrekin, baita Bengoetxeak hainbeste maite duen Korteko Bordan gaua pasatu ere.
Horrez gain, final egunetan ohitura batzuk jarraitzen ditu Oinatzek: goizetan mendira joatea gustatzen zaio eta partidan edan beharreko ura Leitzako iturri berezi batetik eramaten du. Hor egongo ote da sekretua?
Leitza kirolari handien sorterria da eta Bengoetxearekin batera, Abel Barriolarekin ere egoteko aukera izango du 'Bisitaria'k.
'Bisitaria', 22:00etatik aurrera, ETB-1en.