Larunbatean
Real Sociedad B-Logroñes, zuzenean, ETB-1en eta eitb.com-en
A.A.
EITB
ETBKn Rios Renovables-Triman Navarra areto futbol derbia izango da ikusgai, zuzenean baita ere.
Argazkia: EITB.
Real Sociedad B-Logroñes Bigarren B Mailako futbol partida dakarkigu ETB-1ek larunbatean, 'Zilarrezko Futbola' tartean, Xabier Andueza, Juana Larrañaga eta Joseba Urkiolaren kontakizunarekin. Internet bidez ere zuzenean jarraitu ahal izango da neurketa. Bestalde, ETBKk Rios Renovables-Triman Navarra areto futbol derbia eskainiko du zuzenean 13:00etatik aurrera. Xabier Anduezarekin batera Juanma Ordozgoiti arituko da esatari lanetan.
Beste bi kirol emankizun ere nabarmendu daitezke ETBKn: 12etan, afizionatu mailako pilotarien banakako Euskadiko Txapelketaren finala, Iñigo Aiestaran eta Jose Mari Zezeagaren eskutik, eta, 22:30ean, Zeberio II-Agirrezabalaga / Juaristi-Ion erremonte partidar, Iñigo Aiestaranen eta Iñaki Agirrezabala Matxin-en kontakizunarekin.
Futbol jardunaldiaren errepasoa egiteko bi tarte zabalduko ditu 'Gol Festa' saioak ETB-1en, 21:00etan eta 23:50ean. Txemi Galarragak aurkeztutako kirol tartean adi-adi jarraituko du euskal taldeen jardunak: Valentzia-Real Sociedad eta Barça-Athletic, baita madrildarren arteko derbia ere.
Amaitzeko, arratsaldeko 18:00etan Euskalgym 2012 gala izango da ikusgai ETB-1en.