Unerik gorenak
Zaldunak eta Bilauak parekatuta, armarri kopuruari dagokionez
10. saioko jokoa irabazi zuen talde gorriak, eta talde beltzak zeukan abantaila galdu du, kapitaina eta taldekide bat galtzearekin batera.
Egun handia izan dute Bilauek '101 gaztelu' saioaren 10. atalean. Berdinketa bikoitzaren ostean, Rakelen abileziari esker, garaile izan dira jokoan, eta, aste honetan ere, armarria eurentzat izan da.
Barre eta kantu artean ospatu du talde beltzak garaipena. Hendaiako Abbadia gazteluan lortutako armarriarekin, Zaldunekin parekatu dira lortutako armarri kopuruari dagokionez (bost ditu talde bakoitzak). Gainera, urak baretu dira, eta ez daukate liskarrik Ikerren eta Manuren artean. Halaber, bi taldekide gehiago dituzte, talde gorriak baino, eta ezin dugu ahaztu Mikel Goñik lehiaketa utzi duela. Beraz, hankamotz dauzkagu Zaldunak, eta inoiz baino indartsuago Bilauak.