23:15ean
LABeko Ainhoa Etxaideri elkarrizketa, gaurko 'Azpimarra+' saioan
A.H.
EITB
Egun-eguneko gai politiko eta sozialen inguruko hausnarketa egingo du Maddalen Iriarteren galderei erantzunez.
Ainhoa Etxaide. Argazkia: EFE
Ainhoa Etxaide LAB sindikatuko idazkari nagusiari elkarrizketa egingo dio Maddalen Iriartek gaur gaueko 'Azpimarra+' albistegi berezian. Gonbidatuak egun-eguneko egoera politiko, ekonomiko eta sozialaren inguruko hausnarketa sakona egingo du.
Horrez gain, Zigor Urkiaga, Mikel Izagirre eta Eider Alkorta kolaboratzaileak saioaren solasaldi mahaiaren inguruan bilduko dira, eta Adrian Zelaia eta Joseba Barandiaran adituek gai ekonomikoen gaineko analisia egingo dute.
'Azpimarra+' gaur gauean emitituko da, 23:10etik aurrera, ETB1en.