23:15ean
Hasier Arraizekin elkarrizketa, gaurko 'Azpimarra+' saioan
A.H.
EITB
EH Bilduko legebiltzarkideak egun-eguneko gaien inguruko hausnarketa egingo du.
Gaur gauean, Maddalen Iriartek Hasier Arraiz EH Bilduko legebiltzarkidea elkarrizketatuko du 'Azpimarra+' saioan, egun-eguneko gai politikoen inguruan. Besteak beste, astelehenean Urkullu lehendakariarekin izandako batzarraz arituko da.
Horrez gain, Felix Arrieta, Mikel Irizar eta Ainhoa Larrañaga kolaboratzaileak solasaldi mahaiaren inguruan bilduko dira.
Bestalde, Adrian Zelaia eta Joseba Barandiaran adituek eguneko egoera ekonomikoaren gaineko analisia egingo dute.
'Azpimarra+' gaur gauean emitituko da, 23:15etik aurrera, ETB1en.