21:00etan
Asier Burgete gonbidatu, gaur gauean, 'Bago!az'en
EiTB
Talent show ezaguna azken fasean dago sartuta. Gaur, 21:00etatik aurrera, honaino iritsi diren zortzi lagunen emanaldiak ikusi ahal izango ditugu.
'Bago!az' ETB1-eko talent show ezaguna azken fasean sartu da. Gainera, Asier Burgete, 'Go!azen'eko Markel, izango da gaurko gonbidatu berezia. Miriam Lujuarekin ikusiko dugu, Esne Beltzaren "Sueños de Color" abesten.
Abentura hasi zuten 32 lehiakideetako zortzik bakarrik lortu dute azken fase honetara heltzea: Miriam Lujua, Judit Astigarraga, Ane Rot, Beñat Arizabaleta, Asier Navarro, Maria Redondo, Andoni Ollokiegi eta Irati Morales irtengo dira oholtzara.
Egingo dituzten ikuskizunak, berriz, apartak izango dira; Hesian, Lady Gaga, The Beatles, Esne Beltza, Meghan Trainor, Elton John, Gatibu eta Andrea Bocelli talde eta artista ospetsuen abesti ezagunak eskainiz.
'Bago!az' astean bi aldiz ematen da, asteazkenetan 22:30ean eta ostiraletan 21:00etan. Bi emisioak eitb.eus-en eta ETB1en izaten dira ikusgai. Orain arteko saio guztiak EiTB Nahieran-en eta Goazen APPan ere ikusi daitezke.