Talent Showa
Miren Arrieta, aste honetako 'BaGo!az'en
EiTB
Ostiralero bezala, 21:00etan asteko bigarren emisioa izango da, txikienei zuzenduta. Oraingoan, Mirenez gainera, Nerea Gorriti ('Go!azen'eko Erika) ere kantatzen ikusiko dugu.
Miren Arrieta
Miren Arrieta, 'Go!azen' telesaileko Ane, izango dugu coach gonbidatu ostiral honetan 'BaGo!az' lehiaketan. Berarekin batera, oraingoan Nerea Gorriti (Erika) aktorea ere ikusiko dugu Xabier Saldias ordezkatzen. Ostiralero bezala, 21:00etan emango da ETB1en eta eitb.eus-en lehiaketa hau.
Lehiaketa honetako lehen dueluarekin hasiko da bigarren atala. Aurreko astean, epaimahaiak Josu Gonzalez izendatu zuen duelurako eta Andoni Ollokiegik, bere "ollokien" artetik, Jokin Doral aukeratu zuen lehiarako. Andoniren gidaritzapean, Latzen taldearen 'Laztana', euskal rockaren klasikoa, abestuko dute. Emanaldiaren ondoren, epaimahaiak bietako bat kanporatu beharko du.
Ondoren hasiko dira lehiakideen emanaldiak. Aste honetan, Sinead O’Connor, Izaro, Guns N' Roses, edota Britney Spearsen abestiak entzungo ditugu.
Programa bukatzeko, Andoniren hautagaiek beste euskal klasiko bat abestuko dute akustikoan: Itoizen 'Hegal egiten'.