Talent Showa
Maria Redondo, gaur gauean, 'BaGo!az'en
EiTB
Ostiralero bezala, 21:00etan hasiko da asteko bigarren emanaldia, etxeko txikienei zuzenduta. Noelia Calvoren eta Sandra Vargasen arteko dueluarekin hasiko da saioa.
Maria Redondo
Maria Redondo, 'Go!azen' telesaileko Zuri, izango dugu coach gisa gonbidatu gaur gauean 'BaGo!az' lehiaketan. Ostiralero bezala, 21:00etan izango da ikusgai ETB1en eta eitb.eus-en.
Aste honetan, Korrika izango da saioari hasiera emango dion kanta. Ondoren, Sandra Vargasen eta Noelia Calvoren arteko duelua ikusiko dugu. Noelia izan zen aurreko atalean boto gutxien jaso zuen lehiakidea, eta Sandra, berriz, Andoni Ollokiegik aukeratutako "ollokia". Alaitz eta Maiderren "Ispilu aurrean" kantatuko dute Andoniren laguntzarekin.
Bestetik, lehiakideek coach-ekin batera egingo dituzten emanaldiei dagokienez, Etxe, Oskorri, Roxette, Rick Astley, Christina Aguilera, Rihanna eta PitBull artista eta taldeen kantak entzungo ditugu aste honetan.