Andoni 'Bago!az'eko coach berria bihurtuko da gaur gauean

Andoni ollikirik gabe geratu denez, 'Bago!az' programako coach berria bihurtuko da. Bere debuta Jokinekin egingo du asko gustatzen zaion talde baten abestiarekin: Whitesnaken 'Here I go'. Duda gabe, bere saltsan izango da donibanetarra. Ondoren, punta-puntako bikote bat elkartuko da: Anjel Alkain eta Xabier Saldias, Gozategiren mix bat abesteko dute. Bi hauek, gainera, ez dute baztertzen uda honetan elkarrekin bira egitea.

Bikote honen atzetik, Maria Amolategik oso kuttuna duen abesti bat abestuko du Dánae Riañorekin batera. Irundarrak bi saio irabazi ditu jarraian eta hirugarrenaren bila aterako da agertokira. Alex Sarduik ere bere kanta propioa abesteko aukera izango du Iker Gutierrezekin batera. Biek, Gatiburen 'Bixotzek suten' moldatuko dute era akustikoan. Ylenia Sandrarekin elkartuko da 'Euphoria' abesteko eta Iker Villak Andrearekin bikotea osatuko du 'Say something' balada goxoa eskaintzeko. Azkenik, Ainhoa Larrañaga coach gonbidatuak, Eiderrekin batera, Ariana Granderen 'Greedy' abestuko du.

'Bago!az' ostiraletan izaten da ikusgai, 21:00etan, ETB1en eta eitb.eus-en.