Ane Gabarain, Itziar Ituño eta Joseba Apaolaza, gaur gauean, "Barre Librea"n

Ane Gabarain, Itziar Ituño eta Joseba Apaolaza izango dituzte gonbidatu Aitziber Garmendiak eta Jon Plazaolak "Barre Librea" saioan, gaur gauean. Bakarrizketetan, besteak beste, "hater"ak, deseskalatzea eta euskaldun berriak izango dituzte hizpide.  

Halaber, Goraneren familia ezagutzeko aukera izango dute ikus-entzuleek: Xuban, aita, eta Agurtzane, ama. Horiez gain, Virginiaren eta Jose Manuelen beste pasarte bat ere eskainiko du saioak.

"Barre Librea" ostiraletan izaten da ikusgai, 22:30ean, ETB1en eta eitb.eus-en.