Nerea Garmendia, Alazne Etxeberria, Patxo Telleria eta Kepa Errasti "Barre Librea"n

Gaur "Barre Librea" saioan, Nerea Garmendiaren energia, Alazne Etxeberriaren goxotasuna, Patxo Telleriaren maisutasuna eta Kepa Errastiren bakarrizketa hunkigarriaz gozatzeko aukera izango dute ETBko ikus-entzuleek. Umorez beteriko koktela izango da, Aitziber Garmendiak eta Jon Plazaolak gogoz eragin eta zerbitzatuko dutena. 

Horrez gain, Bixki ta Dixki itzuliko dira, La Jaio eta El Zigor ere izango dituzte saioan eta Goraneren familiarekin barre libre egingo dute.

"Barre Librea" gaur izango da ikusgai, 22:30ean, ETB1en eta eitb.eus-en.