Xabier Amuriza eta Eli Pinedo, gaur, 'Berandu Baino Lehen' saioan

'Berandu Baino Lehen' programak atseden bat hartu eta gero, berriro bueltan da gaur gauean elkarrizketa berriekin. Lehenengo programan, Fermin Etxegoien kazetari eta idazleak Xabier Amuriza bertsolaria eta Eli Pinedo eskubaloi jokalaria elkarrizketatuko ditu.

Amurizak bere jaioterria den Etxanon hartuko du Etxegoienen bisita, bertan bizitako haurtzaroa gogoratuz. Egindako solasaldian bertsolari beteranoak azalduko digu zergatik plazatik erretiratzeko erabakia hartu duen. Beste gai batzuei buruz ere hitz egingo dute eta euskarari buruz egindako burutazioak hautsak harrotuko ditu seguruenik.

Bestalde, Eli Pinedo Bera Bera taldeko jokalaria Donostiako Sagues auzoan elkartuko da Etxegoienekin. Bere ibilbideari buruz hitz egiteaz gain, kirol munduko emakumeen borrokaz arituko dira bere esperientzia propiotik habiatuta.

'Berandu Baino Lehen' 22:15ean dago ikusgai ETB1en eta eitb.eus-en.