Nagore Aranburu aktorea izango da gaurko gonbidatua "Biba Zuek!" saioan

Gaurko saioan, gazte ekintzaileak izango dituzte hizpide "Biba Zuek!" saioan. Platoan hartuko dituzten gonbidatuak gazteak dira eta, hala ere, lan proiektu interesgarriak jarri dituzte martxan. Horrekin batera, Jon Artanoren Euskaldunak munduan atalean, Norvegian bizi den euskaldun bat ezagutuko dugu.

Bigarren orduan sartuta, Nagore Aranburu aktorea izango da saioan. Euskarazko hainbat ekoizpenetan parte hartu du, eta orain, ETB1 eta eitb.eus-en asteazkenean 22:30ean estreinatuko den "Hondar Ahoak" telesailean ere ikusiko dugu. Jon Garateren Artxibo Jauna atalari esker Aranbururen ibilbidearen momenturik bitxienak ikusiko ditugu.

Bestalde, Agus Barandiaran ere saioan izango da musika apur bat jartzeko eta azken minutuetan Aritz Ganboa artzainarekin egingo dute bat.

Maddalen Arzallusek eta Xabier Sukiak aurkeztutako "Biba Zuek!" telebista saioa astelehenetik ostiralera izaten da ikusgai, arratsaldeko 18:00etatik aurrera, zuzenean, ETB1en eta eitb.eus-en.