Joseba Ezkurdia pilotaria izango da gaur "Biba Zuek!" saioan gonbidatu

Gaur arratsaldean, kirol egokituaz eta zehazki, pala egokituaz arituko dira "Biba Zuek!" saioan. Ekainaren 26an Euskal Pilota Egokituko XI. Gipuzkoako txapelketako finala jokatuko da. Joseba Altunak txapelketan parte hartu du eta finalera Leire Esnal iritsi da; beraiek izango dira lehen orduko gonbidatuak. Gipuzkoako Jurgi Olasagasti, Kirol Egokituen Federazioko partaidea ere izango dute platoan gonbidatu.

Ondoren, saioaren bigarren zatian, Joseba Ezkurdia pilotariaren bisita jasoko dute. Binakako eta Lau t'erdiko Txapelketetako hainbat txapel eskuratu dituen pilotari arbizuarrarekin solasean arituko dira Maddalen Arzallus eta Xabier Sukia.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.