Arraun kontuak hizpide Ibon Gaztañazpi kirol esatariarekin, gaurko "Biba Zuek!" saioan

Arraun kontuei buruz arituko dira osteguneko "Biba Zuek!" saioan. Horretarako, lehen bandera irabaztearen bizipena izan duten hiru arraunlari gonbidatuko dituzte; hain zuzen ere, Orio, Ondarroa eta Arraun Lagunak taldeetako hiru gazte arraunlari gogotsu izango dira platoan eta, besteak beste, euren ibilbideko lehen bandera irabaztean zer sentitu duten azalduko dute.

Osteguneko gonbidatu berezia, gainera, Ibon Gaztañazpi Euskal Telebistako estropaden zuzeneko emanaldien kirol esataria izango da.

Halaber, Vidal Salcedo medikuaren aholkuak, Xabier Orbegozoren erreportaje freskoak eta Ana Goitiaren kontu bitxiak izango dituzte.

Arrauna eta beste hainbat kontu interesgarri, gaurko "Biba Zuek!" saioan, 18:00etatik aurrera, ETB1en eta eitb.eus-en.