Mikel Ayestaran kazetaria, gaur, "Biba Zuek!" saioan

Gaur, Maddalen Arzallusek eta Xabier Sukiak oporrak hartuko dituzte, eta "Biba Zuek!" saio berezia prestatu dute, denboraldia agurtzeko. Besteak beste, Mikel Ayestaran kazetaria izango dute platoan.

Irailetik hona 450 testigantzatik gora izan dituzte saioaren lehen orduan, eta 200 gonbidatu berezi baino gehiago hartu dituzte platoan.

Hala, denboraldia amaitzeko, hilabete hauetan bidelagun izan diren Maitane Ormazabal eta Asier Maia elkarrizketatuko dituzte. Aholku eta ikuspuntu interesgarriak eman dituzte biek eta, oraingoan, saioko bidelagunak izatea nolako esperientzia izan den kontatuko dute.

Denboraldiko azken gonbidatu berezia, berriz, Mikel Ayestaran kazetaria izango da. Beti bezala, bere laneko bizipen interesgarriei buruz galdetuko diote.

Sorpresa ugari denboraldiko azken saioan, gaur, 18:00etan, ETB1en eta eitb.eus-en. Abuztuan zehar, berriz, ikasturteko laburpena ikusteko aukera izango da, formatu txikiago batean, arratsaldero, ETB1en eta eitb.eus-en ere.