Bixente Martinez musikariari elkarrizketa, gaurko "Biba Zuek!" saioan

Ibilbide luze eta handiko musikaria da Bixente Martinez, eta gaur bertan Txoria buruan eta ibili munduan diskoa kaleratuko du. Maddalen Arzallusek eta Xabier Sukiak gitarra-jotzaile eibartarrak bakarka kaleratzen duen lehen lan horri buruz galdetuko diote gaurko "Biba Zuek!" saioaren bigarren orduan.

Lehen orduan, berriz, Maddalenek eta Xabierrek joan den asteburuan hil zen Landakanda pandero jotzailea omenduko dute, eta horretarako, lagun izan zituen hiru musikari elkarrizketatuko dituzte: Laja II.a eta Izer trikitilariak eta Lutxurdio pandero jotzailea.

"Biba Zuek!" saioak audientziaren harrera bikaina izaten ari da bigarren denboraldi honetan. Asteazkeneko saioak, besteak beste, % 4,5eko audientzia zatia eta euskaldunen arteko % 14,9ko kuota lortu ditu.

"Biba Zuek!" gaur izango da ikusgai 18:00etatik aurrera ETB1en eta eitb.eus-en.