Bulego musika taldea, gaur arratsaldean, "Biba Zuek!" saioan

Bulego talde azkoitiarreko Tomas Lizarazu eta Xabier Arrieta musikariak izango dira gaurko "Biba Zuek!" saioan gonbidatu eta taldearen azken diskoa aurkeztuko dute: Erdian oraina. Pop musika egiten dute eta ibilbide arrakastatsuari errepasoa ere egingo diote.

Lehen orduan trans gaiari buruz hitz egingo dute "Biba Zuek!"en. Gizartean hain garrantzitsua den dibertsitatea ikusarazi nahi dute, eta horretarako testigantza ezberdinak bilduko dituzte. Maitane Ormazabalek Galdera mingarriak atalean, normalean egitera ausartzen ez garen galderak egingo dizkie eta euren ikuspuntua modu natural batean landuko dute.

Maddalen Arzallusek eta Xabier Sukiak aurkeztuta, "Biba Zuek!" saioa astelehenetik ostiralera izaten da ikusgai, 18:00etatik aurrera, ETB1en eta eitb.eus-en.