18:00etan
Pello Reparaz gonbidatu, gaur arratsaldean, "Biba Zuek!" saioan
EITB Media
Apirilaren 2rako Barakaldoko BECen antolatu duten "Zeinen ederra izango den fest" jaialdiaz hitz egitera etorriko da.
Pello Reparaz abeslari eta musikaria emanaldi batean. EITB Mediaren bideo batetik ateratako irudia
Maddalen Arzallusek eta Xabier Sukiak Pello Reparaz musikaria izango dute solaskide gaur arratsaldean "Biba Zuek!" saioan. Apirilaren 2an "Zeinen ederra izango den fest" antolatu dute Barakaldoko BECen, eta horren berri emango du. Bertan, besteak beste, Gatibu, ETS, Zetak, Iseo & Dodosound, Sua, Ezpalak, Los Chikos del Maiz, Ene Kantak, Motxila 21 eta Maren arituko dira.
Lehen orduan, arrazoi ezberdinengatik "bigarren aldiz jaio" diren gonbidatuak izango ditugu. Bizitzak askotan kolpe latzak ematen dizkigu eta aukera paregabea izaten da bizitza berriz hasteko. Hori dela eta, istripu bat izan duen gonbidatua eta gaixotasun larri bat gainditu duena izango ditugu euren esperientzia kontatzen.
"Biba Zuek!" saioa 18:00etatik 20:00etara dago ikusgai, astelehenetik ostiralera, ETB1en eta eitb.eus-en.