'Album' antzezlanaz, gaur arratsaldean, "Biba Zuek!" saioan

Formol Laborategiaren eskutik, Edurne Azkarate, Intza Alkain eta Mikel Ibarguren Album antzezlaneko zuzendaria eta aktoreak izango dituzte gonbidatu gaurko "Biba Zuek!" saioan. Gazteei buruz hitz egiten du obrak, batez ere erantzukizunak kudeatu ezinean dabiltzanen diagnosia jaso dutelako. Belaunaldi berriek eurengan duten zamaren inguruan eta etiketen aurrean, zer dute gazteek esateko? Horri eta gehiagori buruz hitz egingo dute astelehenean.

Aurretik, saioaren lehen orduan, Lazkao Txikiri omenaldi xumea egingo diote, bertsolaria hil zela 29 urte igaro berri diren honetan. Horretarako, senideak izango dituzte gonbidatu, tartean Felipe Barandiaran eta bertsolari kide zein lagun izan zuen Iñaki Murua bertsolaria. Lazkao Txikiren kantaera, umorea eta garaiak ekarriko dituzte gogora Maddalen Arzallusek eta Xabier Sukiak aurkezten duten saioan.

"Biba Zuek!" astelehenetik ostiralera dugu ikusgai, 18:00etan, ETB1en eta eitb.eus-en.