18:00etan
Onintza Enbeita bertsolaria 'Izurritea' lan berriaz, gaur arratsaldean, "Biba Zuek!" saioan
EITB Media
Saioaren lehen orduan, berriz, animaliak lagun dituzten eta horiek terapiarako edota aisialdirako erabiltzen dituzten hainbat pertsonaren esperientziak ezagutuko dituzte.
Onintza Enbeita artxiboko irudi batean. EITB Mediaren bideo batetik ateratako irudia
Onintza Enbeita bertsolari eta kazetaria izango dute gonbidatu gaurko "Biba Zuek!" saioan, Izurritea lan berria hizpide. Bizkaitarrak idatzitako saiakera-kronika lan laburra da, bi urteko pandemiaren errepaso emozional eta soziala, pertsonaren, kazetariaren eta begirada kritikoaren ikuspegitik. Saioan bertsolariarekin hitz egingo dute liburuan kontatzen duenaz zein une honetan esku artean dituen proiektuez.
Programaren lehen orduan, berriz, animaliak lagun dituzten eta horiek terapiarako edota aisialdirako erabiltzen dituzten hainbat pertsonaren esperientziak ezagutuko ditugu. Besteak beste, astoekin trekkinga, zaldiekin terapia eta txakurrekin lasterketak egiteko aukera eskaintza duten lagunekin hitz egingo dute.
"Biba Zuek!" saioa astelehenetik ostiralera dugu ikusgai, 18:00etan, ETB1en eta eitb.eus-en.