Odei Barroso bertsolari eta raperoa, gaur arratsaldean, "Biba Zuek!" saioan

Gaur arratsaldean, Odei Barroso bertsolari eta rapero urruñarra Terapia bere azken lana aurkeztuko du "Biba Zuek!" saioan. Bere hirugarren lana da, 2zio taldearekin argitaratu duena. Berak sortu ditu abesti guztien letrak, eta, gainera, kantari huts izatetik, musika-produktore izatera ere igaro da martxan jarri berri duen Alkimia Prod ekoiztetxean. Rap estiloaz gain, doinu eta estetika berriak erantsi ditu egitasmo honetan; trap eta drill erritmoak ere gehitu dizkio.

Lehen orduan, laguntzeko bokazioa duten hainbat gonbidatu izango dituzte platoan. Alde batetik, Txernobylgo haurrak hartzen dituen harrera familia bat izango dute. Eta bestetik, Martuteneko kartzelara bertako presoekin egotera joaten den boluntario bat hartuko dute.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.