18:00etan
Naroa Agirre kirolaria, gaurko "Biba Zuek!" saioan
EITB Media
Aurretik, saioaren lehen orduan, antropologia feministaren inguruan arituko dira, eta AFIT Antropologia Feminista Ikertzaile Taldea izango dute hizpide.
Naroa Agirre, EITB Mediaren artxiboko irudi batean.
Naroa Agirre pertika-jauzilari ohia izango da gaurko gonbidatua "Biba Zuek!" saioan. Pertikarekin salto egiten estatu mailako markarik onena lortu zuen 2007an. Gainera, luzera-jauzian ere nabarmendu zen. Gaur egun eskuartean zer proiektu dituen kontatuko die Maddalen Arzallusi eta Xabier Sukiari.
Aurretik, saioaren lehen orduan, antropologia feministaren inguruan arituko dira. Izan ere, estatu mailako I. Nazioarteko Antropologia Feministaren Kongresua antolatu dute Donostian, EHUko AFIT ikerketa taldearen eskutik. Horren inguruan aritzeko, hiru gonbidatu eta aditu ekarriko dituzte platora.
"Biba Zuek!" astelehenetik ostiralera dugu ikusgai, 18:00etatik aurrera, ETB1en eta eitb.eus-en.