18:00etan
Julen Alberdi eta Nerea Arruti aizkolariak, gaur arratsaldean "Biba Zuek!" saioan
EITB Media
Urrezko Aizkora txapelketako irabazleak elkarrizketatuko dituzte Maddalen Arzallusek eta Xabier Sukiak.
Nerea Arruti aizkolaria. EITB Mediaren bideo batetik ateratako irudia
Urrezko Aizkora txapelketa irabazi berritan, Julen Alberdi eta Nerea Arruti aizkolariak hartuko dituzte gonbidatu gaur arratsaldean "Biba Zuek!" saioan. Lehen orduan, berriz, Nafarroako suteen inguruan hitz egingo dute gertaerak hurbiletik bizi izan dituztenen testigantzak biltzeko.
"Biba Zuek!" saioa 18:00etatik 20:00etara izaten da ikusgai ETB1en eta eitb.eus-en, Maddalen Arzallusek eta Xabier Sukiak aurkeztuta.