Zigor Iturrieta kirolari eta sukaldaria gaurko "Biba Zuek!" saioan

Gaurko "Biba Zuek!" saioko gonbidatu nagusia ETB1eko aurpegi ezagun bat izango da: Zigor Iturrieta kirolari eta sukaldaria. "Txoriene" eguneroko sukaldaritza saioa aurkezten du ETB1en, eta, ostegun honetan, "Chiloé, Lasterka Munduan" saioaren denboraldi berria estreinatuko du, turismoa, gastronomia eta muturreko kirol probak uztartzen dituen saioa.

Lehen orduan, etxea trukatzen duten bi gonbidatu izango dituzte platoan, Lontxo eta Afrika. Bestalde, eta Skype bidez, une honetan Bruselan, etxe trukaketa batean dagoen Amaiarekin hitz egingo dugu.

"Biba Zuek!" astelehenetik ostiralera da ikusgai 18:00etatik aurrera ETB1en eta eitb.eus-en.