Musika eta artea hizpide gaurko "Biba Zuek!" saioan

Gaur arratsaldean "Biba Zuek!" saioan, musika eta artea izango dira protagonista eta hainbat artistak haien lanen inguruan hitz egingo dute. Gonbidatu nagusia, Rafa Rueda musikaria izango da. Mungiako artistarekin, bere ibilbide profesionalaren inguruan arituko dira, eta duela gutxi argitara atera den "Oroitz" kantuaz ere hitz egingo dute. Harkaitz Estiballesek idatzitako bertsoekin eta Koralai Ahots Taldearen laguntzarekin sortu du kantua musikari bizkaitarrak.

Lehen orduan, bestelako artistak gonbidatuko dituzte platora, eskuekin eta irudimena landuz, artea egiten duten bi lagun. Joxean Jakak, txatarretara doazen hondakinekin figurak, eskulturak, egiten ditu. Iaz, gainera, Orioko Surf Txapelketako garaikurrak egiteaz arduratu zen. Bestalde, Martzel Do Nascimiento grafitigilearen bisita ere hartuko dute. Muralak, graffitiak eta irudi ikusgarriak egiten ditu Zornotzako artistak.

"Biba Zuek!" saioa 18:00etatik aurrera ikusgai ETB1en eta eitb.eus-en.