Superwelter pisuko kanporaketa bikaina, 'Boxeo Izarrak' saioan

Bi borrokaldik osatuko dute aste honetako 'Boxeo Izarrak' saioa. Lehenengoa, superwelter pisuko munduko txapelketa jokatzeko kanporaketa. Brian Rose britainiarra eta Javier Maciel argentinarra izango dira aurrez aurre. Rosek 25 garaipen lortu ditu eta norgehiagoka bakarra galdu du. Macielek 27 neurketa irabazi eta 2 galdu.

Bigarren norgehiagokan, Diego Magdalenok eta Edgar Riovallek neurtuko dituzte indarrak. Magdalenok 23 borrokaldi irabazi ditu eta bat besterik ez du galdu. Bere boxeatzeko estiloa ikusgarria da.

Pedro Mari Goikoetxeak eta Manu Maritxalarrek egingo dute bi borrokaldien kontakizuna, gaur, 00:10ean, ETB1en.