00:10ean
Pisu superarineko hiru borrokaldi bikain, 'Boxeo Izarrak' saioan
A.H. | EITB
Besteak beste, Dave Ryan - John Hibber borrokaldi ikusgarria, eta Ik Yang eta P. Pathompothong boxeolarien arteko munduko txapelketako kanporaketa izango dira ikusgai.
'Boxeo Izarrak' saioak pisu superarineko hiru borrokaldi bikain eskainiko ditu gaur gauean. Hasteko, Dave Ryan eta John Hibbert boxeolarien arteko norgehiagoka ikusgarria eskainiko dute. Boxeolari britainiar hauek ez dute palmares ikaragarririk, baina gogoa eta kemena soberan dute. Begirik kendu gabe ikusi beharreko borrokaldia izango da.
Bigarren neurketan, Joel Diaz ezagutuko dute. Ameriketako Estatu Batuetako mutil honek 23 urte ditu, eta orain arte egindako 18 borrokaldi guztiak irabazi ditu, K.O. bidez horietako 14.
Azkenik, Ik Yang eta P. Pathompothong arituko dira munduko txapelketa jokatzeko kanporaketa batean. Yang txinatarrak ez du borrokaldirik galdu oraingoz.
'Boxeo Izarrak' gaur izango da ikusgai, 00:10etik aurrera, ETB1en. Pedro Mari Goikoetxea izango dugu gidari, Manu Maritxalar aditua lagun duela.