23:55ean
Muhammad Aliri buruzko 'Boxeo Izarrak' berezia, gaur, ETB1en
A.H. | EITB
Boxeolari bikainaren ibilbidea errepasatu eta haren borrokaldi entzutetsuenak gogoratuko dituzte.
Argazkia, EFE
Asteburuan Muhammad Ali handia hil zela eta, aste honetako 'Boxeo Izarrak' saioak boxeolari ospetsuaren inguruko saio berezia eskainiko du gaur, ostirala, gauerditik aurrera, ETB1en.
Emanaldian zehar, boxeolari bikain honen ibilbidearen nondik norakoak aztertuko dituzte, eta zaleek haren borrokaldi entzutetsuenak berriro ikusteko aukera izango dute. Besteak beste, Henry Cooper, Sonny Liston, Zora Folley, Jerry Quarry, Joe Frazier, Ken Norton, George Foreman eta Leon Spinks boxeolarien aurka egindakoak. Bi ordutik gorako saioa izango da.