Jon Fernandezen azkeneko borrokaldia, 'Boxeo Izarrak' saioan

Gaur gaueko 'Boxeo Izarrak' saioak Jon Fernandezek joan den larunbatean Bilboko La Casillan jokatu zuen txapelketa eskainiko du oso-osorik. Etxebarriko boxeolariak sekulako erakustaldia eman zuen Mikael Mkrtchyan armeniarraren kontra, berriro ere bere maila erakutsiz. Gainera, bi boxeolarien iritziak ere jasoko ditu saioak.

Bigarren norgehiagoka Adrien Bronerrek eta Carlos Molinak egingo dute. Broner boxeolari ikusgarria dugu. 24 urte bete baino lehen, hiru pisutan izan da munduko txapeldun.

Azkenik, O'Hara Davies britainiarra ikusiko dugu, Andy Keatesen aurka egindako neurketan.

'Boxeo Izarrak' ostiral honetan izango da ikusgai, 00:05etik aurrera, ETB1en.