Boxeoa
Pisu ertaineko txapelketa ikusgarria, gaur, 'Boxeo Izarrak' saioan
EITB
Horrez gain, emakumezkoen arteko norgehiagoka bat eskainiko du saioak 00:05etik aurrera, Katie Taylor eta Viviane Obenaufen artekoa.
David Lemieux eta Curtis Stevensen arteko pisu ertaineko txapelketarekin hasiko da gaur 'Boxeo Izarrak' saioa. Biak jotzaileak dira, baina bereziki Lemieux kanadiarra, irabazitako 36 borrokaldietatik 32 k.o. bidez izan baitira.
Ondoren, pisu superarineko neurketa bat eskainiko du saioak. Ohara Davies eta Derry Matthews izango dira protagonistak. Daviesek orain arte egindako 14 borrokaldiak irabazi ditu eta Matthews munduko txapeldun izandakoa da.
Jarraian, emakumezkoen arteko norgehiagoka bat izango da ikusgai: Katie Taylor txapeldun olinpikoa eta Viviane Obenauf brasildarra aurrez-aurre.
Laugarren borrokaldian Ingalaterrako bi boxeolari izango dira protagonistak. Matthew Macklin eta Brian Rose, biak ere eskarmentu handikoak.
Saioari amaiera emateko, joan den astean hil zen Rodrugo Valdes munduko txapeldun ohia gogoratuko dute.
'Boxeo Izarrak' ostiraletan izaten da ikusgai 00:05etik aurrera ETB1en.
.