00:40an
Superwelter pisuko munduko txapelketa, gaur gauean, 'Boxeo Izarrak' saioan
EiTB
Jarrett Hurd eta Jason Welborn izango dira aurrez aurre lehenengo borrokaldian.
Pedro Mari Goikoetxea
Jarrett Hurd eta Jason Welbor izango dira aurrez aurre gaur gauean 'Boxeo Izarrrak' saioak eskainiko duen lehenengo borrokaldian. Superwelter pisuko bi gerriko egongo dira jokoan. Hurd estatubatuarrak orain arte egindako 22 borrokaldiak irabazi ditu; Welborn britainiarrak, ostera, 24 irabazi eta 6 galdu ditu.
Bigarren norgehiagoka Steven Nelson eta Oscar Riojas boxeolarien artekoa izango da, pisu erdiastunean. Nelsonek 11 borrokalditan hartu du parte, eta oraindik ez du inork mendean hartu.
Hurrengo bi neurketak Mikaela Mayer boxeolari estatubatuarrak Baby Nansen zeelandaberritarraren eta Vanessa Bradford kanadarraren kontra egindakoak izango dira. Mayer Rioko Joko Olinpikoetan aritu zen, eta profesional mailan egindako neurketa guztietan izan da garaile.
'Boxeo Izarrak' saioa 00:40an izango da ikusgai, ETB1en.