Pisu astuneko munduko txapelketa eta k.o. ugari, 'Boxeo Izarrak' saioan

Deontay Wilder eta Tyson Furyren arteko munduko txapelketa izango du abiapuntu gaur gaueko 'Boxeo Izarrak' saioak. Wilder gaur egungo txapeldunik sendoenetako bat da eta bere zenbakiak ikaragarriak: 40 garaipen, 39 k.o. Tyson Fury britainiarrak ere egindako 27 borrokaldiak irabazi ditu.

Neurketa honen ondoren, kruzero pisuaren barruan, Mikael Lawal britainiarra eta Tamas Kozma hungariarra izango dira aurrez aurre. Jarraian, Michael Perez eta Abdiel Ramirezen arteko norgehiagoka gogorra eta ikusgarria, eta bukatzeko, hiru aldiz munduko txapelketa jokatu duen Miguel Marriagaren azken borrokaldia, Jose Estrella mexikarraren aurka egindakoa.

'Boxeo Izarrak' saioa 23:35ean izango da ikusgai ETB1en.