Inaxio Perurena, Miren Arrieta eta Manu Maritxalar, gaur 'Burubero Fest'en

Maitasunez eta ondo pasatzeko gogoz beteta datoz gaur gaueko gonbidatu eta lehiakideak 'Burubero Fest' lehiaketara. Izan ere, maitasuna izango da aste honetako gaia. Uda gainean dugu eta guk beroari aurre egiteko erremedioa dakarkigu; umorea eta lehia. Eta zakuan, astero bezala, 4.000 euro hiru lehiakideetako baten zain.

Lehia oso estua izango da aste honetan, Azkoitiko Kepa Ordea izango dugu Inaxio Perurenaren laguntzarekin; Miren Arrieta 'Go!azen'eko aktoreak Ainara de Miguel Leitzarrari lagunduko dio, eta Manu Maritxalar Altsasuko Hasier Gonzalezen coach-a izango da.

Lehiaketan parte hartu nahi izanez gero, euskaraz jakin, ondo pasatzeko gogoa eduki eta adinez nagusia izatea besterik ez da behar. Horrela bada, bidali datuak helbide honetara: burubero@eitb.eus

'Burubero Fest' asteazkenetan izaten da ikusgai, 22:15ean, eitb.eus eta ETB1en.