Austria aldean ibiliko da 'Chiloé, Lasterka Munduan' saioa gaur gauean

Gastronomia eta kirola uztartzen dituen 'Chiloé, Lasterka Munduan' saioaren laugarren atala izango dugu ikusgai gaur gauean, 22:15ean, ETB1en eta eitb.eus-en. Oraingo honetan, Austria aldera egingo du bidaia Zigor Iturrietak.

Salzburgo, Austriako laugarren hiririk jendetsuena, eta Innsbruck, mendi garaiz inguratutako Tirol estatuko hiriburua, ezagutuko ditu Zigorrek.

Ohi denez, saioaren amaieran, mendi-lasterketa bat egitea izango du jomugan. Innsbrucken bertan, 65 kilometroko Alpine Trail Run Festibal ultra-trailean hartuko du parte Zornotzako sukaldari eta kirolariak.