Flandrian izango da 'Chiloé, Lasterka Munduan' gaur gauean

Gastronomia eta kirola uztartzen dituen 'Chiloé, Lasterka Munduan' saioaren atal berri bat izango dugu ikusgai gaur, 22:00etan, ETB1en eta eitb.eus-en. Zigor Iturrieta Flandriara joango da oraingo honetan. Bidaia Ostende hirian hasiko da, kostaldean, eta Brujasera joango da gero, bertako museoak eta LESS jatetxea ezagutzera. Jarraian, Gante hiri handia, modernoa eta bizia ezagutuko du.

Azkenik, Geraardsbergen herrira joango da bertako triatloian parte hartzeko. 'Chiloé Lasterka Munduan' saioaren lehen triatloia izango da.

'Chiloé Lasterka Munduan' gaur izango da ikusgai, 22:00etan, ETB1en eta eitb.eus-en.