'Kataluniak dauka giltza', gaur gauean, 'Egunak Egin Du'ren debatean

Kataluniak dauka giltza izenburupean, Madrilgo Gobernuaren eraketan Kataluniak duen garrantziari erreparatuko dio gaur 'Egunak Egin Du' saioko debateak.

Galdera asko daude airean, Katalunian ERCren eta PSOEren arteko negoziaketan eragina izan dezaketenak: Europak immunitatea aitortuko dio Junquerasi? Hala bada, hauteskundeak aurreratuko dira? Puigdemont hautagai izan liteke berriro ere? Galdera horiez guztiez eztabaidatzeaz gainera, Euskal Herrian Kataluniakoaren antzeko prozesu bat abian jar daitekeen hausnartuko dute Klaudio Landaren solaskideek: Xabier Barandiaran, Miren Gorrotxategi, Maria Luisa Garcia, Jon Telleria eta Galder del Campok. Halaber, Gure Eskuko Amalur Alvarezen iritzia ere jasoko du saioak.   

'Egunak Egin Du'ko debatea 22:00etan izaten da ikusgai, ostegunetan, ETB1en eta eitb.eus-en.