Gaur goizean
EH Bilduko Josu Juaristi, 'Egun On Euskadi'n eta 'ETB Hoy'n
A.H.
EITB
'Entrada Libre'n domotika hartuko dute hizpide, Wattio enpresako Patxi Echevesteren eskutik.
Josu Juaristi. Argazkia: EiTB
Gaur goizean, Josu Juaristi Europako hauteskundeetarako EH Bilduko hautagaia, 'Egun On Euskadi' eta 'ETB Hoy' albistegietan izango da gonbidatu, eta bere alderdi politikoaren programa, proposamen eta ekimenez arituko da.
ETB1en, Estepan Aldamiz-Etxebarriak egingo dio elkarrizketa eta horrez gain, Ludger Mees, Mikel Arana eta Luismi Uharte izango ditu solaskide, goizeko 08:00etatik aurrera.
ETB2n, ordea, Olaia Urtiagaren galderak erantzungo ditu hautagaiak goizeko 11:45ean eta ondoren, Silvia Intxaurrondok gidatutako tarteak eguneko albiste nabarmenenak aztertuko ditu.
'ETB Hoy' saioaren aurretik eskainiko den 'Entrada Libre' elkarrizketa saioan, Vanessa Sanchezek Wattio enpresako Patxi Echevesterekin domotikaz arituko da solasean goizeko 11:15ean.