Hauteskunde elkarrizketak
PSE-EEko politikariei elkarrizketak, gaur goizean, ETBn
A.E.
EiTB
Eneko Andueza 'Egun On Euskadi' albistegian egongo da, eta Patxi Lopez 'En Jake'n izango da gonbidatu.
Patxi Lopez
PSE-EEko bi ordezkari egongo dira gaur goizean Euskal Telebistan. Estepan Aldamiz-Etxebarriak Eneko Andueza PSE-EEk Gipuzkoako Batzar Nagusietan duen bozeramailea elkarrizketatuko du 'Egun On Euskadi' albistegian, 09:00etan. ETB2ko 'En Jake' saioan, berriz, Xabier Lapitzek Patxi Lopez Kongresurako Bizkaiko zerrendaburua hartuko du 11:45ean.
Hauteskundeen inguruko elkarrizketak egiteaz gain, solasaldirako mahaiak izango dituzte bi saioetan. 'Egun On Euskadi'n, Patxi Gaztelumendi, Esteban Antxustegi eta Elena Martinez de Madina egongo dira; 'En Jake' saioan, berriz, Gorka Angulo, Pelayo Serrano, Olatz Barriuso eta Iñaki Soto. Gainera, Xabier Lapitzek Maria Eugenia Hands, Venezuelako politikako analista eta legelaria, elkarrizketatuko du.