09:00etan
Frantziako hauteskundeen emaitzak aztergai, gaur, 'Egun On Euskadi' saioan
A.A. | EiTB
Eguzki Urteaga soziologoa izango dute gonbidatu Macronen garaipenaz hitz egiteko.
Frantziako Presidentetzarako hauteskundeak egin eta biharamunean, 'Egun On Euskadi' berezia izango da asteleheneko saioa, Macronen garaipena aztertzeko eta balorazioa egiteko. Horretarako, Estepan Aldamiz-Etxebarriak Eguzgi Urteaga soziologoa hartuko du gonbidatu platoan.
Solasaldirako mahaian ere, Frantziako hauteskundeak izango dituzte aztergai Iñaki Galdosek, Iker Bizkarguenagak eta Pili Kaltzadak, eta aktualitateko beste gai batzuk ere izango dituzte mintzagai.
'Egun On Euskadi' astelehenetik ostiralera izaten da ikusgai, 09:00etatik aurrera, ETB1en eta eitb.eus-en.