09:00etatik aurrera
Marian Elorza gonbidatu, gaur goizean, 'Egun On Euskadin'n
A.A. | EiTB
Eusko Jaurlaritzako Kanpo Harremanetarako idazkari nagusia elkarrizketatuko du Estepan Aldamiz-Etxebarriak.
Gaur goizean, 'Egun On Euskadi' saioko elkarrizketaren tartean, Marian Elorza Eusko Jaurlaritzako Kanpo Harremanetarako idazkari nagusia hartuko du gonbidatu Estepan Aldamiz-Etxebarriak. Lehendakaria buru izan zuen euskal ordezkaritza batek joan den astean Kolonbiara egindako bidaia izango dute mintzagai nagusi, eta Iñigo Urkulluk Juan Manuel Santos presidentearekin izandako bileraz ere arituko dira. Nazioarteko aktualitatean hizpide diren beste gai batzuk ere jorratuko dituzte, eraso jihadistak eta Erresuma Batuan egingo diren hauteskundeak, besteak beste.
Esteban Antxustegi, Jose Mari Pastor eta Felix Iriarte solasaldirako mahaian bilduko dira eguneko lerroburu nagusiak aztertzera, eta Xabier Usabiagak egingo du albisteen kontakizuna.
'Egun On Euskadi' astelehenetik ostiralera izaten da ikusgai, 09:00etatik aurrera, ETB1en eta eitb.eus-en.
us-en.