09:00etan
Arnaldo Otegiri elkarrizketa, gaur goizean, 'Egun On Euskadi'n
EiTB
Estepan Aldamiz-Etxebarriak egun-eguneko politika gaiak aztertuko ditu berarekin.
Gaur goizean, Estepan Aldamiz-Etxebarriak Arnaldo Otegi EH Bilduko koordinatzaile nagusia elkarrizketatuko du ETB1eko 'Egun On Euskadi' albistegian. Hitzorduan zehar, egun-eguneko politika gaiak eta Kataluniako egoera politikoa aztertuko ditu, eta, besteak beste, larunbatean Bilbon 155. artikulua aplikatzearen aurka eta erabakitzeko eskubidearen alde egingo den manifestazioaren inguruan arituko da.
Horrez gain, Iñaki Zarraoa, Roberto Uriarte eta Oscar Rodriguez solaskideek egun-eguneko gaiak aztertuko dituzte solasaldirako mahaiaren inguruan.
'Egun On Euskadi' astelehenetik ostiralera izaten da ikusgai, 09:00etan, ETB1en eta eitb.eus-en.