Aste honetan
Tolosako Topic zentroa eta txotxongiloak 'EiTB Kultura-Transit' saioan
A.H.
EITB
Tolosako Nazioarteko Txotxongilo Zentroaren sorreraren bosgarren urteurrena betetzen denean, bertan eskaintzen diren ikerketa eta ekoizpenerako aukerak ezagutuko ditu saioak.
Topic Tolosako Nazioarteko Txotxongilo Zentroak bost urte bete berri dituen honetan, 'EiTB Kultura-Transit' saioa zentroaren eskaintza zabalean barrena murgilduko da, aste honetan. Txotxongilo bilduma ikusgarria biltzen du, baina museo bat baino askoz gehiago da.
'EiTB Kultura' saioak ikerketarako eta ekoizpenerako zentroak eskaintzen dituen aukerak ezagutuko ditu. Alde batetik, dokumentazio zentro garrantzitsua da, eta bestalde, mundu osoko konpainiei irekita dago, bertan egonaldiak egin eta haien ikuskizunak prestatzeko.
Bestalde, Euskal Herriko kultur agendaren errepasoa egingo du saioak. Besteak beste, Bassmati & Vidaur musikari donostiarren azken diskoa, Melodías concertantes, ezagutuko du, Asier Leoz Euskadi Irratiko 'Portobello' irratsaioaren arduradunaren eskutik.
ETB1eko emanaldian, gainera, La casa del lago Galder Gaztelu-Urrutiaren film laburra izango da ikusgai.
'EiTB Kultura-Transit' gaur gauean eskainiko da, ETB1en eta ETB2n, eta ostiralean errepikatuko da 15:00etan ETB1en.