ETB1en eta ETB2n
Asier Zabaleta koreografo eta dantzaria, 'EiTB Kultura-Transit' saioan
A.A.
EiTB
Leioako Umore Azokan aurkeztuko duen El show del espectador lan berriaz arituko da.
Aste honetako 'EiTB Kultura' saioak Asier Zabaleta koreografo eta dantzaria hartuko du protagonista. Bere ibilbidearen errepasoa egiteaz gain, Leioako Umore Azokan estreinatuko duen El show del espectador ikuskizunari eskainiko diote arreta.
Ertza konpainiarekin dihardu lanean Zabaletak. Euren azken obra honetan, ikuskizun bat sortu dute beste ikuskizun baten barruan. Publikoaren jarrerari erreparatu diote, ironiaz. Halaber, dantza garaikidearen ikuspegi kritikoa erakutsi dute. Hitzak zuzeneko musikarekin eta dantzarekin uztartu dituzte, dantza garaikidea, hip hop eta breakdance estiloekin nahastuz.
Erreportaje nagusiaz gain, izango da besterik 'EiTB Kultura'n. Hala nola, Euskadi Irratiko 'Portobello' irratsaioko Asier Leozek Calexicoren disko berria aurkeztuko digu, Edge of the sun. Eta Sortzaileak tartean Joserra Semperena musikariaz arituko dira.
'EiTB Kultura' gaur gauean izango da ikusgai, 23:55ean ETB1en, eta 00:15ean ETB2n.
ETB2n.