Karra Elejalde protagonista, gaur, 'EiTB Kultura' saioan

8 apellidos catalanes filmaren estreinaldiaren astean, Karra Elejalde du protagonista 'EiTB Kultura Transit' saioak. Oso ezagun egin duten 8 apellidos vascos filmeko Koldo eta Airbag laneko Juantxo pertsonaiei tiraka, bere ibilbideaz, aktore lanaz eta zinemagintzaz hitz egingo du arabarrak. Zuzendari lanetan izandako esperientziak ere aztertuko ditu Karra Elejaldek.

Mai Egurza ilustratzaile eta komikilariaren unibertsoan murgilduko da Sortzaileak atala. Zidrou gidoilari belgikarrarekin elkarlanean sortutako El paseo de los sueños komikia adibide hartuta, Irungoaren sortze prozesua ezagutuko du saioak.

Amaitzeko, Kometa izango da aste honetako Gaztea Cover ataleko talde gonbidatua. Azken 25 urteetako euskal kanta bat moldatzeko erronka bota zion Gazteak talde nafarrari; eta Hertzainak taldearen 'Aitormena' abestiaren gainean egindako bertsio propioarekin erantzun du Kometak.

'EiTB Kultura Transit' ostegun gauetan izaten da ikusgai, ETB1en eta ETB2n.