Muralismoaz arituko dira gaur gauean 'EiTB Kultura' saioan

'EiTB Kultura' saioko erreportaje nagusiak muralismoa hartuko du ardatz. Baionako Points de Vue Street Art jaialdiaren aitzakian, Xabier Anunzibai, Sebas Velasco, Aheneah eta Mika artistek kaleko hormetan lanean nola hasi ziren ezagutuko dute. 

Bestalde, Aitor Arregi, Jon Garaño eta Jose Mari Goenaga La trinchera infinita pelikularen zuzendariekin elkartuko dira, filmeko sekuentzia bat ikusteko. 

Kultur proposamenen tartean, Usua de la Fuente musikaria izango dute protagonista aste honetan. Niña Coyote eta Chico Tornado taldeko kideak Hairspray pelikula eta Sex Pistolsen musika gomendatu dizkigu, besteak beste. 

Amaitzeko, Hatxe piano jotzailearen musika ezagutuko dute Errenteriako Mikelazulon. 

'EiTB Kultura' ostegun gauetan izaten dugu ikusgai ETB1en, ETB2n eta eitb.eus-en. Halaber, erreportajeak banan-banan eskainiko ditu gaur hasi eta asteazkenera bitartean, iluntzeko 'Gaur Egun' albistegiarekin ostean.