Aitor Etxebarria musikaria, gaur gauean, "EiTB Kultura"n

Aste honetako "EiTB Kultura" saioan, Aitor Etxebarria musikariarekin izango dira. Gernikarrak Nihilism Part I diskoa kaleratu berri du, El_Txef_A izena albo batera utzi eta bere izenarekin atera duen lehena. Disko honek bere ibilbidean suposatzen duenaz arituko da.

Horrez gain, Galder Izagirre bateria-jotzaile eta argazkilariak bere kultur proposamenen berri emango du Urdulizko Mad Donkeys gunean.

Amancay Gaztañaga eta Iraia Eliasekin ere izan dira. Matriuska antzezlan berria nola sortu duten kontatu dute.

Eta amaitzeko, Gaizka Insunzaren musikarekin bukatuko da "EiTB Kultura". Audience taldeko kideak bakarkako lehen diskoa atera du.

"EiTB Kultura" ostegunetan izaten da ikusgai, ETB1en (00:15) eta ETB2n (1:00). Bi emanaldiak eitb.eus-en ere jarraitu daitezke.