ETB1en, ETB2n eta eitb.eus-en
"EiTB Kultura" Tabakalerako 'Kontatutako zinea' zikloan izango da gaur gauean
EiTB
Oliver Laxerekin izan dira 'O que arde' pelikula nola egin zuen azaltzeko eskaini duen saioan.
EiTB Kulturako kareta. EiTBren bideo batetik ateratako irudia
Gaur gauean, Donostiako Tabakaleran izango da "EiTB Kultura" Kontatutako zinea zikloan. Pelikula bat sortzeko prozesua erakustea du helburu zikloak, zuzendarien beraien eskutik. "EiTB Kultura" Oliver Laxerekin egon da, O que arde pelikula nola egin zuen azaltzeko eskaini duen saioan.
Horrez gain, Testura proiektua ezagutu du: zuzeneko irudia eta musika nahasten dituen talde berria da.
Bestalde, Irene Arrarats itzultzaile eta Berria egunkariko euskara zuzentzailearen kultur gomendioak jasoko dituzte Andoaingo Martin Ugalde parkean.
Saioa Txaranga Urretabizkaiaren musikarekin bukatuko dute: txaranga "autorregulable eta hiperbentilatua" direla diote.
"EiTB Kultura" ostegun gauetan izaten da ikusgai ETB1en (00:15), ETB2n (01:00) eta eitb.eus-en.