ETB1en eta ETB2n
Peru Galbete musikariaren azken diskoa, gaur gauean, "EiTB Kultura"n
EiTB
Horrez gain, Igor Elortzaren kultur proposamenak, Xabier Salaberria artistaren azken erakusketa eta Xatiro raperoaren lokala ezagutuko dituzte.
Peru Galbete. Argazkia: Facebook
Gaur gauean, "EiTB Kultura" saioa Peru Galbete musikariarekin elkartuko da Usurbilen. Nor zara zu? diskoa kaleratu berri du, eta bertan entzungai diren kantuez eta bere aurreko lanez aritu dira berarekin.
Horrez gain, Igor Elortza bertsolariarekin ere izan dira Durangon, horren gustuko film labur eta diskoen berri jasotzeko.
Xabier Salaberria artistarekin, Bilboko Carreras Múgica galerian duen "R de Radio" erakusketa bisitatu dute.
Amaitzeko, Xatiro raperoaren lokalean sartuko dira; Cassiopeia diskoa kaleratu du aurten.
"EiTB Kultura" ostegun gauetan izaten da ikusgai ETB1en, ETB2n eta eitb.eus-en.